Tumia Fikra kidogo na hisia zaidi.

Toka nje ya kichwa chako na ingia kwenye moyo wako, fikiria kidogo na ongeza hisia Zaidi – Osho

Ulishawahi kushikiliwa na akili? Au mawazo yako? Mfano badala ya kuweza kusuluhisha tatizo au jambo lililopo akilini unashindwa na badala yake akili ndio inazidi kuzidisha matatizo?

Kuna watu husema kuwa unavyozidi kulifikiria jambo ndipo unazidisha mawazo juu ya jambo unalofikiria, kumbuka akili inapenda kuwaza, unapopeleka wazo lolote kwenye akili ndipo unazidisha tatizo na sio kusuluhisha. Akili itazidi kuunganisha matukio, kukuambia kuna hiki na hiki na siku zote fahamu kuwa akili ina hofu. Akili inaogopa lakini siku zote moyo hauogopi. Moyo hauwezi kujua hofu bali akili ndiyo inayotambua hofu. Unapoona una hofu juu ya jambo lolote sio moyo wako umeona hivyo bali ni akili/fikra yako ndio ipo hivyo.

Ni vyema badala ya kutumia akili sana kuwaza, tumia na moyo kuhisi. Ni vigumu sana kujua hisia ya moyo na siku zote unapojaribu kutaka kufahamu moyo unataka nini akili huwa inakuzuia na inaweza kukudanganya kuwa moyo unahisi hivi kumbe sio kweli.

Roho zetu ndio zinatuunganisha na malaika mlinzi wetu na Muumba wetu, ukisikiliza roho inataka nini ufahamu kuwa hiyo ndio sauti ya ndani ambayo inamwelekeza kila mmoja wetu.

Muda utakaoweza kuusikiliza moyo unataka nini na akili nayo itatulia na itauheshimu moyo na maamuzi yake. Kumbuka maamuzi yaliyotoka kwenye nafsi ni ya muhimu na kuzingatia. Hutusaidia kufanya maamuzi mazuri hata tusipotambua mbeleni kuna nini.

Read More

Maana ya Ufufuo na Pasaka katika roho

Neno "UFUFUO" lina maana ya 'kuinua, kuimarisha, kurudisha upya na kupumua maisha mapya'.

Wakati wowote tunapofanya mabadiliko katika nafsi yetu ni kama kifo cha kiroho na kuzaliwa upya.

Read More

Mambo 40 ya Kukufanya Kuendelea Kuwa Hai

Wakati nilipoamua kukaa na kuandika hii mada, nilikuwa ninawaza "Ni mambo gani ya muhimu sana ambayo sijayatazama katika kunipa furaha". Kiukweli kuna mambo mengi ambayo watu wengi hawapendi kuyatazama au kuyapa kipaumbele. Mambo haya ni mambo ya hobbies, kazi, safari, au shughuli mbalimbali ambazo tunazifanya katika kuongeza furaha na kutufanya tutambue kuna kuishi.  Ambazo kila siku tunakuwa na nafasi ya kuvitekeleza katika kuwa na furaha.

Tuna mengi ambayo tumepanga kufanya katika maisha yetu, na mengi tunakuwa na mipango mbalimbali na kuna muda mengine hatutekelezi katika maisha yetu. Na mipango mingine ni sehemu kubwa katika kutufanya tuishi na kuyaona maisha kwa ujumla, ni katika kupata ile raha na furaha ya kuishi. Nimejaribu kutazama mambo mbalimbali ambayo wengi tumekuwa tukiyakimbia na kuogopa kuyatenda wakati kumbe vingeweza kutupa furaha katika kujaribu maisha yetu na kutufanya tupige hatua moja mbele.

Uhuru wa kuongea na kuonyesha hisia zako

Mimi binafsi sio mpenzi wa kuzungumza sana katika maisha yangu na inatokana na kuwa "Introvert" mtu mwenye tabia ya kupenda upeke yake na kutopenda kuongea sana. Lakini hata kama ni introvert kama mimi au extrovert, kuna mambo mbalimbali unayoweza kujaribu kusema na ukajifunza au kupata faida fulani kwako; Mfano:

1. Mwambie mtu kile ambacho unaogopa kusema badala ya kubaki kusubiri mpaka yeye aseme.
2. Mwambie mtu kile unachotaka kusema badala ya kubaki ukinung'unika
3. Kubali kuonyesha kuwa una wasiwasi hata kama ni sehemu yenye watu wengi
4. Mwambie rafiki yako ndoto zako na msikilize mawazo yake na kisha yachambue
5. Kubali kumwambia rafiki yako jinsi unavyoutumia muda wako kisha jitafakari jinsi unavyoutumia muda wako na jifunze kuutumia vyema kwa sababu utaonekana unapoteza muda
6. Jitambulishe kwa mtu ambaye unamuogopa au kujisikia wasiwasi kuonana naye
7. Uliza rafiki yako kama kuna kitu unaweza kumsaidia
8. Mwambie Boss wako au msimamizi wako wa kazi kile ambacho ungetamani angefahamu kuwa unaweza kufanya na malengo yako bila kusubiri yeye akupangie
9. Usiogope kumwambia boss wako kuwa unaondoka pale unapokuwa unataka kuacha kazi
10. Jiambie ukweli na usijidanganye hata pale unapokuwa umeshindwa kutekeleza jambo

Jaribu chochote ambacho umekuwa unatamani kufanya

1. Tafuta chochote ambacho ulikuwa unapenda kujifunza mfano muziki, kupiga kifaa cha muziki, kuchora n.k 
2. Kama huwezi kupata darasa jaribu kusoma na kuona video mbalimbali mitandao za kujifunza
3. Muombe rafiki yako akufundishe kile ambacho anajua na ungependa na wewe kufahamu
4. Jiunge na sehemu ya kufanya mazoezi kama una malengo bila kuogopa muda au kushindwa
5. Tazama video YouTube kujua jinsi ya kutumia kifaa ambacho ungependa kufahamu
6. Fikiria ni kitu gani ambacho ungependa kujifunza na leo jaribu tu hata kutazama mitandaoni na kujifunza hata somo dogo tu
7. Andika Blog au Diary kujifunza kuwa mwandishi wa mawazo yako
8. Nenda uwanjani kacheze mchezo wowote ambao ungependa
9. Kila siku sikiliza mziki mmoja ambao unaupenda na ucheze kwa uhuru
10. Andika listi ya vitu ambavyo ungependa kufanya na kufurahia kisha weka malengo kila mwezi utimize angalau vitano

Kusafiri na kutembea

1. Panga sehemu ambazo ungependa kuzitembelea na weka malengo
2. Kama huna uwezo wa kwenda anza kuhifadhi kiasi kidogo na anza kusafiri zile sehemu ambazo ni rahisi
3. Nunua tiketi na ukizitumia tafuta utaratibu uzihifadhi kama kumbukumbu yako
4. Safiri nje ya mji wako hata siku za wikiendi au likizo
5. Tazama picha na video za maeneo ambayo ungependa kutembelea
6. Mkaribishe rafiki yako mkutane kwenye mgahawa au sehemu nzuri ili mpige story
7. Kama kuna maeneo unayoogopa kwenda mfano hoteli anza kuhifadhi kiasi kidogo kidogo
8. Andika listi ya maeneo ambayo ungependa kulala na kupumzika
9. Andika mikutano na semina mbalimbali ambayo ungependa kutembelea na andika list ya mikutano kila mwezi
10. Tafuta maeneo ya kwenda kutembelea kwa ajili ya picha, kukutana na marafiki

Fanya yale ambayo hukutegemea kama unaweza kuyafanya

1. Andika sifa ambazo ungependa kuwa nazo (mfano kuwa mwandishi, mzungumzaji mzuri, msomaji mzuri) kisha changua moja na anza kujifunza mbinu mbalimbani na kutenda yale uliyojifunza
2. Kuwa karibu na rafiki anayekusaidia kuondoa wasiwasi wako na mwenye akili pana ya uhuru
3. Andika maneno ya kuyarudia katika kujikaririsha jambo (mfano Mimi ni jasiri, Nitafanikiwa,) ambayo yatakupa moyo, ujasiri na kujiaminisha
4. Mtafute mtu ambaye unamkubali sana kisha andika sifa ambazo unahisi yeye anazo ila wewe hauna hizo sifa na kisha jiwekee nia ya kujifunza
5. Fikiria kitu kikubwa sana ambacho unatamani ungeweza lakini una wasiwasi kuwa huwezi kisha tenganisha hicho kitu katika majukumu madogo madogo kufikia hilo lengo kubwa
6. Muulize rafiki yako akuelezee anavyokuona kisha andika ambacho unaona unapaswa kubadili na kile ambacho unapaswa kuendelea kuwa nacho. Hapa tafuta rafiki mwenye uhuru na anayeweza kukuambia ukweli.
7. Kila siku andika kile ambacho kinakuogopesha au kukuumiza na baadaye tazama na chambua kwa umakini kila kitu
8. Tafuta kile ambacho ungependa kujaribu kabla haujafariki, Tafakari maisha ni mafupi na nini ambacho ukiambiwa utafariki kesho utatamani kukijua mapema kabla haujamaliza safari yako
9. Jitazame na angali mazoea ambayo hayana umuhimu na kisha jifunze kuyaondoa
10. Tambua vile vinavyokufanya uwe na furaha na kisha endelea kuviweka na kujifunza zaidi. 

Kila mtu ambaye mpaka sasa yupo hai ana nafasi ya kuishi na kuyatekeleza yale ambayo anayapanga na kuweka nia yake. Kila siku jitafakari, na tazama maisha kwa upana. Maisha ni fumbo na hakuna anayeifahamu kesho, hivyo basi ishi na jifunze kila mara, tumia maisha yako kuandika historia yako ambayo utaiishi wewe na kuiacha wewe. 

Asante na endelea kuwa na furaha daima. 

Read More

Umeshawahi kuchunguza kinachoendelea akilini mwako?

Umeshawahi kuongea na nafsi yako kibinafsi? Umeshawahi kujaribu kuchunguza kinachoendelea akilini mwako? Mfano kuchunguza unawaza nini? Ni wazo la aina gani? Mara nyngi unawaza nini? Kuna wakati unakuta unawaza mawazo mabaya na unaweza ukajisemea mwenyewe "Acha kuwaza mawazo mabaya, hayana umuhimu" huku ukijiambia mwenyewe. Unaweza kuwa makini na mawazo yako na kuyauliza kama unavyouliza mtu mwingine au kuyachunguza kama unavyochunguza hali ya nje.

Kushindwa Kuwa makini na Jambo.

Tunaposhindwa kuelewa jambo kwa kina wengi hujikuta wanaweka fikra duni na kushikiliwa na mawazo hasi. Tunaposhindwa kuelewa hali iliyopo basi tunaweza kuzidi kutawaliwa na wasiwasi, hasira, ujinga n.k lakini tukielewa jambo au hali kwa uhalisia wa pande zote mbili yaani kwa upande unaotetea na upande unaopinga au kwa upande hasi na upande chanya tunaweza kufanya maamuzi sahihi na kutoshikiliwa na mawazo bila kujiongoza.

Badili wazo au Fikra mbaya kwa Kuipa Fikra nzuri/chanya kipaumbele.

Huwezi kuondoa mawazo au fikra mbaya kwa fikra mbaya bali vyote hivyo huondolewa kwa fikra nzuri. Mfano unapoona hasira inakutawala, ili kuiondoa hasira weka mtazamo wako kwenye upendo na hasira yenyewe itaondoka bila kipingamizi. Ibadili hasira kwa kutanguliza upendo na hasira yenyewe itaondoka kwani hakuna upendo unaokaa na hasira. Kama vile hakuna giza linalokaa na mwanga ndivyo hakuna mawazo au fikra mbaya inayoweza kukaa na fikra nzuri. Fikra nzuri huondoa fikra mbaya na mawazo mazuri huyaondoa mawazo mabaya.

Ni vyema kujitawala kwa kinachoendelea akilini na kukishinda badala ya kukiruhusu kitoke katika ulimwengu wa nje. Na ndio maana wengi hujifunza meditation/taamuli kuweza kujizoesha kujitawala na kutawala hisia zao.

Hisia/Hali za kuziepuka katika Kujitambua.

• Hasira
• Chuki
• Ubinafsi
• Wasiwasi
• Kutojitawala
• Uvivu na Uzembe
• na kadhalika

Read More

Fikra na Mawazo Mabaya Yanavyoadhiri Maisha Yetu.

Miili yetu ina umeme au nguvu ambayo inaizunguka na inasimamiwa vikubwa na akili na ufahamu wetu. Nguvu hiyo inategemeana na Afya, Hisia, Mawazo, na kila wakati hubadilika badilika kutegemea na hali iliyopo katika mwili. Ni suala la kisayansi na sio la kufikirika. Miili yetu imezungukwa na energy ambayo ipo katika mawimbi mbalimbali yanayotegemeana na hali ya mwili ilivyo. Mfano mwili wenye afya mawimbi yake ya energy au nguvu kani yapo tofauti na mwili ambao hauna afya, vilevile mwili wenye hisia au fikra fulani nao pia una mawimbi yake ambayo nayo hutegemeana na hisia iliyopo. Kwenye hali ya furaha kuna aina ya mawimbi yanakuzunguka na kwenye hali ya wasiwasi au kwenye hali ya kuwa na wazo lolote baya au hali yoyote mbaya nayo inabadilisha nguvu ya mwili inayokuzunguka. Kazi ya nguvu hii ni kulinda mwili na kusambaza ujumbe katika hali ya mawimbi kwenye kila kona ya mwili.

Ufuatao ni mchoro wa kisayansi uliofanywa na Dr. Gary Young ukionyesha aina mbalimbali za mawimbi kutegemeana na hali ya mwili.

Katika mchoro huo utaona kuwa mwili wa kawaida ambao hauna matatizo unaweza kuwa na zaidi ya 68Hz ya mawimbi yanayomzunguka. Mtu mwenye kuumwa mfano kansa ana mawimbi yanayomzunguka 42Hz au zaidi na ukiwa na mawazo au fikra hasi unakuwa unapunguza mawimbi -12Hz na ukiwa na mawazo chanya unakuwa umeongeza mawimbi +10Hz. Hivyo mawimbi yetu yanachangiwa na hali ya miili yetu pamoja na hali ya Akili na ufahamu wetu.

Ni kwanini watu wengi hushikiliwa mawazo yao hasa mawazo mabaya badala ya kushikilia mawazo mazuri?

Read More

Rahisisha Maisha yako kwa kusema Ahsante

Ni muhimu kusema asante kwenyena mashaka, wasiwasi, ukikoselewa, ukiwa na hasira, au hata unapopewa pongezi au ushauri. 

Wengi wetu hatuna mazoea ya kusema ahsante isipokuwa pale tunapopokea kitu (zawadi) au pale tunapoonewa huruma kuhusu jambo fulani. 

Neno "Ahsante" hudharaulika sana na kuchukuliwa poa (under-appreciated) sana katika maongezi yetu ya kila siku. Tuangalie hali tofauti ambazo watu hutakiwa kusema Ahsante lakini husema vingine.

1. Sema Ahsante unapopokea pongezi

Mara nyingi tunadhoofisha pongezi kwa kupotosha taarifa au kwa kuwa wanyenyekevu kupita kiasi. Ukiangalia kiundani, unaweza kufikiri kwamba hii inakuzuia kuonekana kama unakiburi. Kwa kusema tu "Ahsante" inamtambua kikamilifu mtu aliyefanya pongezi na kukuwezesha kufurahia huo wakati. Kuna kitu kinachokuwezesha na kujihisi furaha pale unapokubali shukrani. 

Mfano: "Jamani umependeza!! Nimependa ulivyovaa leo"

Badala ya kusema: "Ahh! hii nguo.. mbona ya zamani! Ishapauka kwanza"

Jaribu kusema: "oh! Ahsante sana!! Nimefurahi umeipenda"

2. Shukuru pale unapochelewa

Kuchelewa ni kitu kibaya sana. Inampa mtu shida na mawazo kwa mchelewaji lakini huonyesha kutokumheshimu zaidi anayekusubiri. 

Mfano: "umechelewa dakika 15 kwenye mkutano"

Badala ya kusema: "Nisamehe nimechelewa. Kulikuwa na foleni sana leo. Sijui kwanini!"

Jaribu kusema: "Ahsante sana kwa uvumilivu na kunisubiri"

Tunapofanya kosa kama hili, fahamu kwamba mtu mwingine anasacrifice zaidi kuliko wewe. Jibu la kawaida ni kuomba msamaha na kujitetea, tunajisahau kuona pia anayetusubiri naye anabidi afikiriwe. Shukuru licha ya makosa yako.

3. Sema "Ahsante" unapomtuliza mtu.

Mtu anapokuja kwako na habari mbaya, inaweza kukufanya usijisikie vizuri. Unataka kuwa rafiki mwema lakini hujui uanzaje.

Mfano: "Mama wa rafiki yako amefariki, au kaka yako kafukuzwa kazi"

Badala ya kusema: "Angalau umejifunza mengi kutoka kwa mama.. au bora uhai wako, kazi utapata mbona!!"

Jaribu kusema: "Asante kwa kushirikiana hizi habari na mimi. Najua hii ni wakati mgumu kwako, niko kwa ajili yako"

Wakati wa mateso, mara nyingine, hatuhitaji kusikia maneno ili kupunguza maumivu kama vile tunahitaji mtu kugawana maumivu yetu.

4. Sema "Ahsante" unapopokea maoni ya manufaa.

Maoni yanaweza kuwa na manufaa sana, lakini ni mara chache sisi tunaona hivyo. Mara nyingi tunachukulia vibaya. Hakuna mtu anapenda kushindwa, lakini kushindwa ni hatua tunayopitia. Jibu kwa maoni ya msaada na shukrani na uitumie ili iwe bora zaidi wakati mwingine.

Mfano: "Hii kazi sio nzuri. Nilitegemea utafanya vyema zaidi"

Badala ya kusema: "Hapana boss sio hivyo, hichi ndicho kilichotokea..."

Jaribu kusema: "Asante kwa kutarajia zaidi yangu. Nitajitahidi"

5. Sema "Ahsante" unapopokea upinzani usiofaa au kukukosoa.

Shukuru mtu anayekukosoa. Ni vigumu sana lakini inawezekana. Wengi tunaanza kujazwa na hasira hata kabla mtu hajamaliza kuongea ili kujielezea. Mwishoni inakuwa ugomvi. Unaposhukuru mtu kwa kukukosoa, hii husababisha uwepesi wa nguvu za kauli zao.

Mfano: "Jambo ulilolisema ni la kipuuzi na la kusikitisha nililolisoma wiki hii yote."

Badala ya kusema: "Mpuuzi mwenyewe, wacha nikuambie.."

Jaribu kusema: "Ahsante kwa maoni. Bado najifunza."

6. Sema "Ahsante" wakati mtu anakupa ushauri usioombwa.

Hii hutokea mtu anapokuwa kwenye sehemu za starehe mfano gym au sehemu ya kula. Kila mtu atakuwa na maoni juu ya jinsi mbinu utakayotumia. Ukianza kula kwa mkono, unaweza kusemwa. Ukisema ufike gym uanze na vyuma, lazima kuna watu watasema. Mbinu bora ni kusema "Ahsante". Kuelezea makosa ya wengine, hayawezi kuondoa yako.

Mfano: "Umeweka video yako mtandaoni ukiwa unafanya mazoezi"

Badala ya kusema: "aahh kumbe! Wewe tuma video yako nione inavyotakiwa"

Jaribu kusema: "Ahsante kwa maoni na msaada"

Muhimu ni kusema ahsante kwenye hali zozote zile. Ukiwa na mashaka, wasiwasi, hofu, hasira nk. Ni sahihi na rahisi katika karibu hali yoyote na ni jibu bora kusema "Ahsante" kuliko mambo mengi tunayosema.

Je! Una wasiwasi kuwa muaminifu katika kuonyesha shukrani nyingi kwa watu katika maisha yako?

Read More

Ulimwengu wa Mitandano ya Kijamii kwa Watu Wenye Mahusiano

Tunaishi katika Ulimwengu ambao ni tofauti kabisa na zamani. Mitandao ya Kijamii imetawala na imechukua nafasi kubwa katika maisha yetu, vyombo vya habari na mazoea ya kila mmoja. Hivi sasa kutokuwa na WhatsApp, Insta au application kadhaa inaonekana kama umejitenga kabisa katika mitandao na ulimwengu kwa ujumla. Dunia hii ya sasa watu wameweza kuwasiliana hata wakiwa mbali, kuonana katika call ya video, na watu ambao wasingeweza kuonana au kukutana wanakuwa marafiki. 

Kila jambo lina faida na hasara zake, kuna mambo mbalimbali ambayo tungependa leo tuyajadili katika kutazama maisha ya sasa na mitandao ya kijamii. 

Mahusiano ya Mitandaoni

Kupitia mitandao ya kijamii watu mbalimbali wameweza kukutanishwa na kuwa na mahusiano na mengine yameweza kabisa kudumu na kufika mbali. Ni wazi kuwa mitandao imeweza kusaidia hasa wale ambao walikuwa ni watu wakimya, wasioweza kuongea au kutoka na kukutana na watu mbalimbali. Pia kuna ambao wametumia mitandao kwa lengo la kuwatumia watu vibaya kimahusiano mfano kuwadanganya watu, kukutana nao na kutumia Fursa hiyo kimapenzi au kwa kuwatapeli. Hiki ni kipindi kigumu kwa sababu unayekutana naye huwezi kujua ametoka wapi, historia yake iliyopita na maisha yake kwa undani kwa sababu mtu anaweza kudanganya maisha yake katika mitandao. Kimekuwa ni kipindi kigumu sana kwa sababu ni vigumu kujua kila mtu kwa undani. 

Wivu na Wasiwasi

Matumizi ya mitandao ya kijamii pia yamepelekea kuwepo kwa wasiwasi mwingi na wivu katika mahusiano mengi kutokana na mwingiliano na urahisi ulipo katika mitandao. Facebook waliwahi kufanya utafiti mwaka 2017 kwa watumiaji 205 ambao walikuwa wanatumia Facebook. Ilionekana ndani ya mwaka mmoja asilimia 80% walikutana na hali ya wivu na wasiwasi katika mahusiano. Hii inatokana na uwezo uliopo wa kuwakutanisha watu mbalimbali kama vile wapenzi wazamani, marafiki wa mitandaoni ambao wana nia ya kimahusiano, marafiki wanaojaribu kuwa karibu na mwenza wako. Mitandao ya kijamii imepelekea watu kuweka maisha yao, picha zao, mada zao na interest mbalimbali ambazo huweza kupelekea kuvutia watu na baadhi ya watu kuanza kuwa wasumbufu kutaka mahusiano hata kwa mtu ambaye tayari ana mahusiano. Ni wazi kuwa wivu ni kawaida kwa mwanamke aliyeweka post yake akiwa amevaa nduo za kumuonyesha na kuna wanaume wana-like na ku-comment. Asilimia kubwa ya watu bado wanaweza kuwa na wasiwasi au wivu kwa marafiki wa jinsia tofauti na mwenza wake na wenye nia ya kutaka kumzoea sana. Na pia inaweza kumfanya mtu ajisikie vibaya pale anapoona ametuma ujumbe kwa mwenza wake na hajajibiwa lakini anamuona yupo online (kwenye mtandao huo huo au mwingine) au ame-post katika mitandao picha zake huku akiwa anachelewa kukujibu au kukutafuta. 

Usumbufu

Mitandao japo imeweza kuunganisha watu hata walio mbali, lakini kwa wale ambao Wapo karibu kuna ambao imekuwa ikiwaharibia na kuwaletea usumbufu hasa pale wanapokuwa pamoja. Jaribu kutafakari unazungumza na mwenza wako lakini yeye yupo kwenye mitandao anatazama mada mbalimbali na picha za watu. Mitandao inaweza kupelekea kero hata kwa watu mbalimbali ambao wanakufuatilia au marafiki wenye nia ya kukutaka kimahusiano au kumtaka mwenza wako. Pia Usumbufu mwingine ni kushindwa kufanya shughuli za kawaida za kimahusiano mfano kuzungumza pamoja, kula Chakula cha pamoja au kutumia muda kuwa na watoto. 

Kutambulisha Mahusiano

Ukitaka kufahamu kuwa pale unapowatabulisha marafiki zako kuwa mwenza wako ni nani, mfano nenda Facebook andika upo kwenye relationship na Kisha weka jina la mwenza wako, utaona matokeo yake ni makubwa na wengi huanza kukufuatilia katika mahusiano yako. Kwa wengine mahusiano wameweka usiri kuepuka usumbufu huu na wengine wamekuwa wakitumia vyema mitandao ya kijamii kuweka mada mbalimbali za wenza wao mfano kuwatakia siku njema katika siku zao za kuzaliwa, kuwashukuru, au kuonyesha upendo wako kwao. Ni wachache walioamua kuonyesha mahusiano yao na Wengi wamekuwa wakiyaficha hasa wale ambao wanahofia usumbufu, wasiri au ambao hawapendi baadhi ya watu kufahamu kama vile wazazi, wapenzi wa zamani au ndugu ambapo wangeleta mada nyingine ya kuuliza ni nini kinachoendelea. 

Ni wazi kuwa mitandao ya kijamii ni mizuri, imesaidia mengi na kusema tusiitumia itakuwa sio sahihi. Jambo la msingi ni kila mmoja kuweka mbele mahusiano yake kwanza kabla ya mitandao. Kuwa muwazi kwa mwenza wako, wasiliana vizuri na mwenza wako kabla hujawasiliana na wengine na mshirikishe vyema. Kwa wale ambao ni wasumbufu kukutaka wajulishe ukweli una mtu na jifunze kuwadhibiti. Sio jambo la hekima kusahau mahusiano yako kutokana na mitandao ya kijamii. Itaepuka kuondoa usumbufu, wivu, wasiwasi na kutumia muda kuwa na mwenza wako badala ya kujisahau kwenye mitandao ya kijamii katika ulimwengu huu mpya wa Mitandao na watu kuonyesha maisha yao. 

Read More