Sio kila Jambo Linahitaji Kuumiza sana Kichwa

Sio kila jambo katika maisha linahitaji kuumiza sana kichwa. Kuna mambo ambayo hayana ulazima wa kuumiza sana kichwa mfano mawazo yasiyo na ulazima, matatizo n.k. Hii inatukumbusha kwamba, asilimia kubwa ya mawazo na matatizo ambayo wengi wamekuwa wakiwaza na kutafakari yanatokana na kuwaza sana.

Jifunze njia hii
Ukiona unashindwa kufanya maamuzi katika jambo fulani liwekee muda. Mfano unaweza kuamua kulifanyia maamuzi kesho yake ukiamka, au hapo baadaye ukiwa na akili iliyotulia katika kufanya maamuzi. Hii itakusaidia kuwa na maamuzi sahihi na kuepuka kuweka maamuzi ambayo yanaweza kupelekea hapo baadaye ukajutia.